Re-ment 第一彈 和食処

最近又係度執屋，係執Re-ment既同時，順便逐set同佢地影返輯相，既可以重溫下自己既每一set Re-ment，又可以做返個紀錄，所以來緊都會係Re-ment回顧喇~

今日當然係介紹Re-ment第一彈出既食玩~和食処~

一套5款，仲有一款特別版，因為係初期製品，所以size係偏大既，但手工已經好好，真係做到將0的食物真實呈現既效果，所以先可以奠定Re-ment係食玩界既一哥地位~

特上鰻重，鰻魚飯，0的飯同鰻魚都唔錯家~

特上寿司，壽司併盤，最欣賞佢0的いくら，真係做到精盈通透家

盛り蕎麦，蕎麥麵，5款入面比較差既一款，因為0的麵唔係咁得

とんかつ，炸豬扒，塊豬扒真係做得好似，但0的生菜絲又係差少少

特上天丼，天婦羅飯，0的飯粒真係一粒粒，搞到囡囡好想食天丼，好懷念秋葉原0個間好好食既天丼鋪啊~~~